ILOILO — Dead-on-arrival sa ospital ang 49-anyos sang gintiro samtang nagapahuway sa iya ginpagarap nga humay sa Barangay Cabatangan, Lambunao kaina sang hapon.
Suno kay Police Lieutenant Vincent Dayag Garcia, Officer-in-Charge sang Lambunao Municipal Police Station, wala na sang istoryahanay nga natabo sa tunga sang napatay nga si alyas Jolito kag sa suspek nga si alyas Rodel.
Nagahigda si Jolito sa humayan sang gintiro sa dughan kag guya sang suspek.
Samtang, sang nagapalagyo ang suspek nasugata niya si alyas Jun-jun nga makadto kuntani kay Jolito agud magbulig.
Pero, gapadulong pa lang si Jun-jun, gintiro na siya sa tiyan ni Rodel.
Si Jun-jun ang gin-refer sa Western Visayas Medical Center (WVMC), suno kay Garcia.
Suno sa pamilya ni Jolito nga may daan nga hiligut-anon ang duha.
Wala na gindetalye sang pamilya kon ano nga daan nga hiligut-anon ang natabo kay Jolito kag Rodel.
Wala na-recover sang pulis ang homemade shotgun nga gingamit sang suspek.
At large ang suspek, suno sa pulis.
