Plastic nga may unod nga marijuana nakit-an sa higad sang karsada sa Arevalo

ILOILO CITY — Naga-conduct sang patrolya ang mga barangay tanod sang Barangay San Jose, Arevalo kagab-i sang nakit-an nila ang naka-roll nga itom nga plastic sa kilid sang karsada.

Tungod sini, gin-usisa sang mga tanod ang unod sang plastic kag nakita nila ang suspected “dried marijuana.”

Gin-report sang mga tanod sa Arevalo police ang nakita nila nga marijuana para ma-imbestigaran.

Ang suspected marijuana nga nakita sang tanod nagabug-at sang 100 grams kag may estimated Standard Drug Price nga P12,000 , suno sa pulis.

“This recovery highlights the importance of vigilance and strong police-community cooperation. Our barangay tanods are our partners on the ground, and through Project TANOD LEAD, we are strengthening their role in keeping our communities safe, especially at night,” suno kay Police Colonel Wilbert B. Parilla, City Director, Iloilo City Police Office (ICPO).