ILOILO — Gindeklarar patay pag-abot sa ospital ang mag-business partners sang gintiro sa Barangay Tambal, Janiuay kahapon sang hapon.
Suno kay Police Captain Randy Lambungan,, officer-in-charge sang Janiuay Municipal Police Station, nagatindog sa guwa sang tiyangge ang mga biktima nga kanday alyas Jun kag alyas Nene sang may nagpundo nga salakyan
Nagpanaog ang driver kag gintiro si Jun sa ulo. Sunod man nga nagpanaog ang isa pa ka suspect halin sa passenger’s side kag gintiro si Nene.
Natumod, suno kay Lambungan, nga ang nagtiro kay Jun anay live-in parner ni Nene.
Love triangle ukon negosyo ang ginalantaw motibo sa krimen tungod upod nga napundar sang suspect kag biktima nga si Nene ang ila tiyangge.
Padayon ang hot pursuit operation agud madakpan ang mga suspects.
