Tiyo, utod ang kamot sang ginlabo sang iya hinablos sa Igbaras

ILOILO — Utod ang wala nga kamot sang 43-anyos nga tiyo sang ginlabo sang iya 22-anyos nga hinablos sa Barangay Alameda, Igbaras kaina sang hapon.

Suno kay Police Captain Francis Doanne Lomahan, hepe sang Igbaras Municipal Police Station, na-impito ang hinablos nga si alyas Boy sa iya tiyo nga si alyas Jose tungod masami nga nagasininggit gani indi sila makapahuway sang maayo.

Ginsulod sang hinablos ang iya tiyo sa sulod sang iya balay kag ginlabo sa kamot.

Base sa imbestigasyon sang pulis, si Jose ang may deperensiya sa paminsaron gani masami nga nagasinggit sa sulod sang iya balay.

Sang una, suno kay Lomahan, ginpabulong sa mental hospital si Jose kag nag-ayo man.

Pero, sang ulihi na notisyaran nga nagabalik ang problema niya sa paminsaron.

Ginpabutyag ni Lomahan nga naghinulsol man ang hinablos sa iya ginhimo.

Boluntaryo nga nag-surrender ang hinablos kag gin-turn over man ang binangon nga gingamit.

Base sa initial nga impormasyon sang pulis, indi na magpasaka sang reklamo ang pamilya.