ILOILO CITY – Arestado ang 67-anyos nga taxi driver sang ginreklamo sang 16-anyos nga babaye nga nanghurikap sa sulod sang taxi sa Mandurriao kaina sang aga.
Suno sa taxi driver, nagahibi nga nagsakay ang tagreklamo halin sa Plaza Villa sa Arevalo kag mapadul-ong sa La Paz. Samtang nagabyahe, ginhulam sang tagreklamo ang cellphone sang driver tungod nag-ayo nga matawag sa iya nobyo.
Sa amo nga tion, gin-uyatan sang driver ang guya sang tagreklamo tubtob nakalab-ut sa dughan kag paa. Gintampuyong lang siya sang tagreklamo sang ginhurikap na sa dughan, suno sa driver.
Depensa sang driver nga wala nag-react ang tagreklamo sang gin-uyatan sa guya kag gin-aku nga nahimo ang pagpanghurikap tungod nagganyat sa “kagwapa” sang pasahero.
Sa La Paz naaresto ang taxi driver kag gindala sa police station.
Nagpangayo naman sang pasaylo ang driver sa pamilya sang tagreklamo nga detained sa La Paz police station.
