Ginadumilian nga Bikini Open nga ginhiwat sa bar sa Mandurriao naaktuhan sang Task Force on Moral and Values Formation

ILOILO— Na-aktuhan sang Task Force on Moral and Values Formation (TFMVF) ang pagpasundayag sang mga performer sa “Ultimate Bikini Show” sa Cubix/ G-Park Bar Complex sa San Rafael, Mandurriao pasado las-12 kaina sang kaagahon.

Suno kay TFMVF head Mr. Nestor Canong, naga-conduct sila sang random inspection sa mga bars kag entertainment hubs sa syudad.

Naabtan sang team ang lima ka pares sang performer sa bikini show nga nagarampa sa open area.

Ginpahanumdom sang team ang organizer sang event nga ginabawal ang amo nga aktibidad sa idalum sang Regulation Ordinance No. 2014-404 nga nagadumili sang Bikini Open sa syudad.

Nagpasa na sang report ang team sa Office of the City Mayor agud mapapanaugan sang sanction.