₱714,000 nga balor sang suspected illegal drugs na-recover drug bust operation sa Oton

ILOILO — Dakup sa drug bust operation ang 44-anyos nga fish vendor sa Barangay Poblacion, South, Oton.

Nakuha sa subject nga si alyas Banong nga ginakabig nga High Value Invidual (HVI) ang anum ka sachets sang suspected nga shabu nga nagabug-at sang 105 grams.

Sa kabug-usan, ₱714, 000 ang balor sang illegal drugs nga nakuha sa subject.

Base sa report halin sa Provincial Drug Enforcemnet Unit sa pagpanguna ni Police Major Dadjie Delima nga sa Oton, San Miguel, Tigbauan kag iban pa nga banwa sa probinsiya ang ginabaligyaan sang illegal drugs ni Banong.