ILOILO— Duha ang nadakpan samtang isa ang nakapalagyo sa drug buy bust operation sa Brgy. Balabag, Pavia kaina sang kaagahon.
Sa operasyon sang Regional Police Drug Enforcement Unit-6 (RPDEU-6) na-recover ang ₱3,740,000 nga balor sang suspected shabu nga nagabug-at sang 550 grams.
Subject sang operasyon kanday alyas Bong, 42-anyos sang Airport, Mandurriao kag alyas Barkley sang Bancal, Alimodian.
Nakapalagyo ang tag-iya sang balay nga si alyas Prince, 40-anyos sang Balabag, Pavia.
Suno kay RPDEU 6 Assistant Chief Police Captain Glen Soliman, sa Iloilo lang ang source sang illegal drugs sang mga nadakpan.
Sa impormasyon, may naga-facilitate lang para idul-ong ang illegal drugs sa tatlo ka nadakpan. Ginadul-ong naman sang tatlo ka subject kag gina-meet up sa runner nila.
