Mag-amay nakuhaan sang ₱800,000 nga balor sang suspected shabu sa drug bust operation sa Calaparan, Arevalo

May subject sa drug bust operation nga nagtudlo sa mag-amay sa Barangay Calaparan, Arevalo nga ginakuhaan niya sang illegal nga druga amo nga gin-subject la-1 kaina sang kaagahon.

Suno kay Police Captain Jersey Besas, chief sang City Drug Enforcement Unit (CDEU), wala sang sadtoanay record sa illegal drugs ang mag-amay nga RR, 42-anyos kag Dave, 22-anyos kag nadakpan tungod na-monitor kag na-verify ang claim sang nangin subject man sa nagligad nila nga operasyon.

Ginabanta 120 grams ang kabug-aton sang isa ka daku nga putos kag walo pa ka sachets ang na-recover nga illegal nga druga sa subjects, nga nagabalor ₱816,000.

Sa monitoring sang police may nagadul-ong sang illegal nga druga sa balay sang subjects kag nahibaluan nga taga-Veterans Village, City Proper.

Magluwas sa Arevalo, nagalab-ot man sa pagbaligya sang illegal nga druga sa City Proper kag Molo ang subjects.