10 ka estudyante nadakpan nga naga-billiard sa tion sang class hours sa Cabatuan

ILOILO—Pulo ka mga estudyante ang gin-rescue sang kapulisan sang nadakpan nga nagahampang sang billiard imbes nga mag-eskwela sa Brgy. Serrano St, Poblacion, Cabatuan.

Suno kay Police Captain Mary Dhen Gerbolinga, OIC sang Cabatuan Municipal Police Station, masami sila nga nagakabaton sang report nga may mga estudyante nga nagahampang bisan class hours pero wala nagaka-abutan.

Ginabanta mga pasado la-1 subong nga hapon, nadakpan sang kapulisan ang pulo ka mga estudyante nga nagahampang sang billiard.

Ginabanta naga-edad sang 16-anyos tubtob 17-anyos ang mga estudyante.

Ginpangdala sila sa police station kag i-refer sa MSWDO.

I-check naman sang pulis ang salabton sang tag-iya sang billiard.