ILOILO – Lima ang nadakpan samtang tatlo ang nakapalagyo sang gin-raid sang mga pulis ang pauwakan sa Brgy. General Luna, Barotac Viejo.
Na-recover sa lugar ang anum ka ginapauwak nga jolo kag P1,500 nga pusta.
Suno kay Police Major Francis Batallones, hepe sang Barotac Viejo Municipal Police Station, madugay na ang impormasyon nga may nagapa-uwak sa bukid gani gin-validate tubtob gin-conduct ang operasyon.
Nagpakuno-kuno nga mga mapauwak ang mga police operatives agud maaktuhan ang illegal nga pagpauwak sang mga indibidwal.
Kaso nga paglapas sa Cockfighting Law of 1974 ang ipasaka sang mga pulis sa mga nadakpan.
