ILOILO – Halin sa Molo Police Station bilang hepe, sayluhon si Police Captain Ryan Christ Inot sa Iloilo Police Provincial Office (IPPO).

Ini santu sa order nga ginpaguwa sang Police Regional Office (PRO) 6 nga epektibo subong nga adlaw.

Sa impormasyon, ipahamtang nga officer-in-charge sang Pavia Municipal Police Station si Inot.

Nangin kontroberisyal si Inot tungod sa pila ka alegasyon sang irregularidad sa Molo Police Station kag isa siya sa ginpaidalom sa administrative investigation sang NAPOLCOM 6.

Nakita sang NAPOLCOM-6 nga may probable cause agud pasakaan si Inot sang administrative charges nga grave misconduct kag grave neglect of duty. May kaangtanan ini sa July 1, 2026 nga operasyon sang PNP-Integrity Monitoring and Enforcement Group (IMEG) kag Special Action Force (SAF) sa Molo Police Station.

Ginapangita sang mga operatiba ang dismissed police officer nga si Jerry Villanueva, nga may murder case.

Base sa imbestigasyon, yara si Villanueva malapit sa estasyon pero wala nadakpan sang kapulisan.