ILOILO — Ginkumpirmar ni Police Capt Alfred Mansoy, hepe sang Tigbauan Municipal Police Station nga ginsulod sang suspek ang balay ni Punong Barangay Maribeth Tupino las 4 kaina sang kaagahon.

Sa imbestigasyon, gintabunan sang suspek ang ilong kag baba sang Kapitan pero nakilala siya sang biktima.

Tungod sa pagpanginpadlos sang biktima, napilasan siya sa baba suno kay Mansoy. Madasig nga nagpalagyo ang suspek.

Nagpangayo sang bulig sa pulis ang barangay kapitan kag nadakpan ang suspek nga iya man lang kasilingan.

Nahibaluan nga nagtuyo mangawat ang suspek tungod sa sugal suno sa pulis.