ILOILO — Nakuhaan sang ₱4.08 million nga balor sang suspected shabu kag 45 caliber pistol ang tatlo ka nadakpan sa drug buy bust operation sa Sitio Banglid, Barangay Balabag, Pavia.
Ginakabig sang pulis nga High Value Individuals ang mag-utod nga sanday alyas Pato, 23-anyos kag alyas Ken, 18-anyos.
Samtang, Street Level Individual naman si alyas Trodes, 18-anyos.
Ginhimo ang operasyon sang Regional Police Drug Enforcement Unit 6 (RPDEU6) kaupod ang Regional Intelligence Unit 6 (RIU6), Regional Intelligence Division 6 (RID6), Special Operation Unit 6 (SOU6) kag Pavia Municipal Police Station.