Liwat nga napamatud-an sang Aksyon Radyo Iloilo nga ini ang nagapanguna nga radio station nga ginapamatian sa Iloilo.
Sa ikalima na ka sunod-sunod nga tion, Number 1 ang Aksyon Radyo Iloilo sa Kantar Media survey.
Ang latest survey gin-conduct sang June 23-29, 2025 gamit ang Radio Diary-Computer-Assisted Telephone Interviewing nga method.
Sa 14 tanan ka AM kag FM stations sa Iloilo, nagpanguna ang Aksyon Radyo nga may 26.22% audience share, nagapangaduha ang Bombo Radyo nga may 25.79%.
Sa mga AM Stations, nagpangibabaw man ang Aksyon Radyo Iloilo nga may 36.39% audience share. Nagapangaduha ang Bombo Radyo nga may 35.80% share, pangatlo ang RMN nga may 27.02%.
Ang Love Radio 97.5, nga sister station sang Aksyon Radyo, amo naman ang nagpanguna sa mga FM stations sa Iloilo.
Madumduman nga Aksyon Radyo Iloilo man ang overall number 1 sa June 2024, December 2024, April 2023 kag September 2023 surveys sang Kantar Media.
Nagapasalamat ang Aksyon Radyo Iloilo sa tanan nga tagpalamati sa padayon nga pagsuporta kag pagsalig sa estasyunan.
Padayunon sang Aksyon Radyo Iloilo ang paghatag sang mas mataas nga standard paagi sa patas nga pagbalita, dekalidad nga mga programa, kag matuod kag tampad nga serbisyo publiko sa mga Ilonggo.
Madamo gid nga salamat mga Ka-aksyon! To God be all the Glory!
