ILOILO — Nagdala sang kalingawan kag mapuslanon nga ihibalo sa ikaayong lawas ang “Alagang Unilab” kaupod ang Aksyon Radyo Iloilo sa mga residente sang Brgy. Aganan, Pavia.
Naka-avail ang mga benipisyaryo sang nagkalain-lain nga mga serbisyo pareho sang libre nga blood pressure check-up, vitamins, kag haircut. May gin-imbitar man nga resource person para sa Wellness Talk sa diin gin-istoryahan ang mga importante nga impormasyon sa kon paano mapabilin nga aktibo kag protektado.
Magluwas sini, may libre man nga pamahaw sa mga nagtambong sa event, subong man libre nga ice cream para sa kabataan.
Indi naman madula ang Kids’ Creative Corner para sa kabataan.
Nagdala naman pauli sang ila tagsa ka mga premyo ang mga winners sa raffle, mini roleta, kag iban pa nga pahampang.
