ILOILO — Dead-on-arrival ang amay sang natiruhan kag nalabu-an sang iya bata sa Brgy. Acao, Cabatuan las-7:30 kagab-i, Marso 9.
Suno kay Police Captain Dionisio Estacio, hepe sang Cabatuan Municipal Police Station, nakainom sang makahulubog nga ilimnon ang bata sang nagpauli sa ila balay.
Sa imbestigasyon sang police, ginsita sang amay ang iya bata rason nga may nagluntad komprontasyon kag hinali lang naggabot sang pusil ang suspek kag gintiro ang amay.
Sang natiruhan ang amay, ginlabo pa gid sang suspek ang biktima.
Na-recover sa suspek ang pusil kag binangon nga gingamit sa krimen.
Naaresto sang Cabatuan police ang suspetsado kag preso na sa Cabatuan Police Station. — via Aksyon Paula Elambayo
