Ambulansya sang LGU Estancia nadisgrasya tungod sang mabaskog nga ulan kag hangin sa Ajuy

ILOILO — Natumba ang ambulansya sang Local Government Unit sang Estancia sa national highway sa Brgy. Pili, Ajuy las-12:05 kaina sang hapon.

Suno kay Police Senior Master Sergeant Pejie Bunda, chief investigator sang Ajuy Municipal Police Station, nadulaan sang kontrol sa manibela ang 41-anyos nga driver sang naglabay ang mabaskog nga hangin kag ulan.

Halin sa Estancia kag pakadto sa Iloilo City ang ambulansya sang natabo ang aksidente.

Ginpahayag sang police nga nagtiyog sang makaduha ka beses ang ambulansya antes natumba kag nabungguan ang mga fertilizer sa kilid sang dalan.

Wala sang sakay nga pasyente ang ambulansya kag wala napilasan ang driver. — Aksyon Paula Elambayo/Robert Nietes