Iloilo City—Patay ang 27-anyos nga lalaki sang gintiro sa Barangay Railway, La Paz pasado las 11:00 kagab-i, Setyembre 12.
Ginkilala ang biktima kay Marvin Magayon.
Gindala pa sa ospital ang biktima pero gindeklarar nga dead-on-arrival.
Suno kay Police Lt. Greg Matutino, deputy chief sang La Paz Police Station, bag-o lang panaug sa trisikad ang biktima kaupod ang iya bata.
Nagalakat pasulod sa eskinita ang biktima sang ginsundan sang suspek kag gintiro sa ulo.
Suno sa mga residente, isa ka lupok lang ang nabatian nila antes nakit-an nga duguon ang biktima.
2019 naka-agi preso ang biktima may kaangtanan sa illegal nga druga.
