Anay kapitan nakuhaan sang P1 million nga balor sang suspected shabu sa Calinog

ILOILO — Magapangatubang sang kaso ang anay kapitan nga empleyado sang Calinog Local Government Unit sang nakuhaan sang masobra P1 million nga balor sang suspected shabu sa Brgy. Baje San Julian, Calinog las 6:20 kaina sang aga.

Ginakabig sang pulis nga High Value Individual drug personality ang subject nga si alyas Osing, 41 anyos, sang Brgy. Owak, Calinog.

Suno kay Police Major Dadje Delima, Chief sang Provincial Drug Enforcement Unit, nag-resign bilang punong barangay si Alyas Osing sang natukiban sang kapulisan nga nagagamit sang illegal drugs sang 2023.

Liwat nga nagserbisyo bilang empleyado sang LGU si Alyas Osing subong nga tuig kag nadakpan sang gin-monitor sang kapulisan.

Na-recover ang 155 grams sang suspected shabu nga nagabalor sang Php 1,054,000.00.

Yara na sa kustodiya sang Calinong Municipal Police Station ang subject kag pasakaan sang kaso nga paglapas sa Republic Act 9165 ukon Comprehensive Dangerous Drugs Act of 2002. — ARI trainee Decyrrie Diamante