ILOILO –Nakuhaan sang P136,000 nga balor sang illegal drugs ang subject nga anay Philipine Marine sa drug bust operation sa Brgy. Poblacion, Leon, kahapon, Nobyembre 29.
Suno kay Police Captain Martin Pugales, hepe sang Leon Municipal Police Station, isa ka bulan nga gin-validate ang subject nga si alyas Ed, 40- anyos, antes nadakpan.
Nagakadto sa balay sang subject ang mga parokyano agud kuhaon ang illegal drugs kag gilayon man nga nagahalin, suno sa pulis.
Na-recover sa subject ang ginabanta 20 grams nga kabug-aton sang suspected shabu. — ARI trainee Robert Nietes
