ILOILO CITY — Na-damage ang unahan nga porsyon sang delivery van sang nakabunggo sa angkar-angkar nga may karga nga mangosteen sa corner Delgado-Mabini Street, City Proper subong nga aga.
Halin sa Jalandoni Street kag pa-Quezon Street ang delivery van nga may karga nga mga dressed chicken. Samtang halin naman sa Quezon Street ang angkar-angkar kag ma-deliver kuntani sang mangosteen sa Iloilo terminal market.
Gulpi lang nabugguan sang delivery van ang angkar-angkar kag naglapta sa karsada ang mga karga nga mangosteen.
Nakaagum sang minor nga pilas ang driver sang angkar-angkar.
