Patay ang angkas sang nakabunggo sa ginasundan nga motorsiklo sa Brgy. San Miguel Jordan, Guimaras las-7:10 kaina sang aga.
Suno kay Police Captain Kevin Bacongallo, officer-in-charge sang Jordan Municipal Police Station, pakadto sa ila obra sa construction ang driver kag angkas sang nagasunod sa motorsiklo nga ginamaneho sang menor-de-edad.
Sa imbestigasyon sang police, may nalipatan nga baklon ang menor-de-edad gani nag-u-turn sang nabungguan sang nagasunod nga motorsiklo.
Nagtabog ang angkas nga ginhingagaw dala sa ospital pero napatay samtang ginabulong.
Lunsay yara sa maayo nga kahimtangan ang menor-de-edad kag ang upod sang napatay.
Ginpahayag sang police nga may settlement nga natabo sa tunga sang mga involved. — Aksyon Paula Elambayo
