ILOILO — Naglapaw sa kurbada nga karsada sa Brgy Dacutan, Dumangas las-9 kahapon sang aga, ang awto nga ginamaneho ni Jose Maria Ortis sang Bacolod City.
Kaupod ni Ortis nga nakasakay sa awto ang iya asawa kag duha ka kabataan.
Suno kay Police Staff Sergeant Terrence John Suria sang Dumangas Municipal Police Station, halin sa syudad ang pamilya Ortis kag padulong kun tani sa Dumangas port sang naaksidente.
Naglapaw sa kurbada nga karsada ang awto, nagsaka sa gutter kag nahulog sa creek.
Wala sang may napilasan sa aksidente suno sa police.
