Nakabunggo ang awto sa center island sa atubang sang Casa Real (old Provincial Capitol) kaina sang kaagahon.
Suno sa police, napiyungan ang driver kag nadulaan sang control sa manibela rason nga nakabunggo sa steel railings.
Halin sa San Joaquin ang driver kag papuli sa Lapuz Norte sang natabu ang aksidente.
Kagab-i nagserbe nga judge sa film festival sa ila simbahan sa San Joaquin ang driver kag nahingagaw pauli tungod may transaksyon pa subong nga adlaw.
Wala napilasan ang driver. Nakuha na sang towing services ang salakyan sa lugar. — Aksyon Maria Kayla Tingzon
