ILOILO CITY — Dakup sa buy bust operation ang babaye nga Person with Disability upod ang lima ka mga indibidwal sa Zone 2 Brgy. North Baluarte, Molo kahapon, Hunyo2 2.
Ginkilala ang main subject kay alyas Nene, 25-anyos; samtang lakip sa mga gindakup kanday alyas Colline nga 19-anyos kag nagabusong; alyas Nonoy, alyas Reynaldo kag alyas Ronel.
Suno kay Police Lieutenant Lloyd Pagulayan, deputy station commander sang Police Station 4 sa Molo, madugay na nga target si alyas Nene nga may koneksyon sa Muntinlupa sa diin siya nagakuha sang supply sang illegal drugs.
Sa monitoring sang police, nagakadto sa balay ang mga customer ni Nene agud magbakal sang illegal drugs.
Ginpahayag ni Pagulayan nga yara sa listahan sang Barangay Anti-Drug Abuse Council (BADAC) ang mga nadakpan.
Nagabalor sang P136,000 ang balor sang suspected shabu nga na-recover sa operasyon. — Aksyon Paula Elambayo
