ILOILO CITY — Buhi kag wala pa nautod ang pusod sang lapsag nga lalaki nga nakit-an sa kilid sang pader sang bodega sa Zamora St. Brgy. Concepcion, City Proper subong nga aga.
Suno kay Security Guard Marcelo Gargacera, mangihi lang siya kuntani sa kilid sang pader sang nakita ang lapsag nga naputos sa grey nga jacket.
Una nga nakita ni Gargacera ang tiil sang lapsag kag nagdumdom pa nga monyeka tubtob may naghulag.
May placenta pa ukon inunlan kag ginasubayan ang lapsag, suno sa iya.
Gilayon nga gintawgan ang Emergency Medical Services sang BFP Iloilo City kag gindala sa ospital ang lapsag. — Aksyon Farrah Mae Morano
