ILOILO — Bangkay na sang nasapwan sa suba ang 46-anyos nga asawa sa Brgy. Jibolo, Janiuay kahapon.
Suno kay Police Master Sergeant Raymond Dailan, imbestigador sang Janiuay Municipal Police Station, Huwebes sang gab-i pa ginapangita si alyas Jul sang nadiskubrehan nga naghalin sa ila balay tubtob nakit-an na lang nga bangkay sa suba.
Ginabanta sa 600 meters ang kalayuon ang balay ni Jul sa suba sa diin siya nakit-an. Ginpahayag sang bana suno kay Dailan nga nadiskubrehan niya nga naglakat si alyas Jul las-11 kagab-i gani ginpangita nila tubtob nakalab-ut sila sa Pavia.
Kahapon sang aga, nakita sang naglabay nga may nagalutaw sa suba gani gin-report sa pulis.
May pilas sa guya si Jul nga posible tuga sang pagkatupa niya sa tubig halin sa taytay.
Ginpabutyag sang pulis nga may psychological disability ang asawa base sa pahayag sang iya bana. — Aksyon Farrah Mae Morano
