ILOILO CITY — Wala pa sang pamilya nga nakakuha sa bangkay nga nasapwan sa Ungka, Jaro kahapon sang hapon.
Suno kay Police Captain Mavin Laraño, officer-in-charge sang Iloilo City Police Station 3 sa Jaro, indi residente sang nasambit nga barangay ang lalaki kag padayon ang ila pagpangusisa sa iban nga barangay kon may na-missing nga pumuluyo ukon boarder.
Sang gin-examine sang SOCO ang bangkay, nakita nga may pilas sa liug nga kaangay nga ginhigtan.
Ginabanta tatlo tubtob apat ka adlaw na nga nagaka-agnas ang bangkay antes nakita.
Ginahulat pa sang Jaro police ang resulta sang autopsy agud matumod kon may foul play ang pagkapatay sang nasapwan. — Aksyon Maria Kayla Tingzon
