ILOILO CITY — Duguon, kag madamo sang lagub sa lawas kag pilas sa ulo ang 40-anyos nga lalaki nga nasapwan sa bakhawan sa Project 5, Brgy. Sooc, Arevalo kaina sang aga.
GInkilala ang biktima kay Aurelio Diaz, Jr., tumandok sang Janiuay pero naga-istar na subong sa Brgy. Mali-ao, Pavia.
Suno kay Captain Michael Tuburan, ang hepe ng Arevalo Police Station, may posibilidad nga wala ginpatay sa nasambit nga lugar ang biktima tungod sang mga tinulo sang dugo malapit sa lugar.
May nakita man nga kahoy nga may mga dugo kag t-shirt malapit sa bangkay.
Sa inisyal nga imbestigasyon sang police, intact ang kuwarta sa wallet sang biktima kag mangin ang iya relo sa iya butkon, pero nadula ang iya motorsiklo.
Ginapadalman sang mga otoridad ang insidente agud matumod na matuod nga natabo sa biktima. — Aksyon Angel Mae Ciudad
