Bangkay sang lalaki nasapwan sa suba sa Dingle

ILOILO — Patay na sang nasapwan sa suba nga sakop sang Brgy, Pandan, Dingle si Arnel Seballos, 59-anyos sang Calicuang, Dingle.

Suno kay Police Captain Aileen Lacrite, hepe sang Dingle Police Station, nasapwan ang bangkay las 8 kaina sang aga kag yara na sa advanced state of decomposition gani ginrekomendar nila nga ipalubong na lang.

Sa pagpangusisa sang Dingle police, nagpamiyesta si Seballos sang Domingo sang aga, Marso 19 kag nagpauli nga naka-inom sang makahulubog nga ilimnon.

Nagtabok suno sa iya sa suba si Seballos nga naka-brief kag ginsulod sa iya bag ang iya mga bayo. Nagapati naman ang pamilya ni Seballos nga nalumos ang lalaki suno pa kay Lacrite.