ILOILO— Pareho nga naupos sa sunog ang barangay hall kag daycare center sa Brgy. De La Paz kaina sang kaagahon.
Suno kay Senior Fire Officer 4 Ricky Dula-ugon, acting fire marshal sang Banate Fire Station, una nga nasunog ang barangay hall kag naglaton lang sa daycare center sa tupad.
Pag-abot sang mga bombero gintupok na sang kalayo ang duha ka establisemento.
Padayon pa nga gina-imbestigaran ang insidente pero base sa initial nga pagpangusisa sang BFP, electrical in nature ang ginhalinan sang sunog. May nakasaksak nga ref kag cctv sa barangay hall, suno kay Dula-ugon.
Tungod government property, i-take over sang BFP- Regional Office ang pag-imbestigar sa sunog.
Nagbilin ini sang P1.8 million nga balor sang kahalitan. — Aksyon Farrah Mae Morano
