ILOILO — Arestado ang barangay kagawad sa drug bust operation sang Janiuay Municipal Police Station sa Brgy. Aquino Nobleza West, Janiuay pasado las-10 kaina sang aga.
Suno kay Police Captain Marlon Perez, officer-in-charge sang Janiuay Municipal Police Station, drug surrenderer ang kagawad sang 2016 kag nagpaidalum sa community-based drug rehabilitation program sang gobyerno.
Liwat nga na-monitor sang mga pulis ang aktibidad sang subject nga naga-engage sa illegal drugs.
Dugang pa ni Perez, high value drug personality ang subject tungod ang mga customer ginakabig siya nga safe kon sa iya magbakal sang illegal items tungod sa opisyal sang barangay.
Na-recover sa operasyon ang 65 grams nga kabug-aton sang suspected shabu nga nagabalor sang P442,800. — Aksyon Paula Elambayo
