Gin-athag sang Tribe Manager sang Tribu Silak sang Iloilo City National High School nga nabaton nila ang ila kapierdihan sa Dinagyang Tribes Competition sang Dinagyang 2024.
Suno kay Alpha Java, principal sang Iloilo City National High School, indi pa nila tiyempo magdaug sa subong kag nabaton nila ang resulta.
Ginarespeto man nila ang desisyon sang mga judges.
Dugang niya, ginhimo nila ang tanan para mahatag ang maayo nga performance sa publiko.
Nagpasalamat naman si Java sa tanan nga nagsuporta kag nagpati nga sila kuntani ang madaug.
Wala gid nalakip sa Top 5 ang Tribu Silak bisan nakuha nila ang Best in Performance kag Best in Choreography.
