ILOILO CITY — Pareho nga damaged ang headlights sang rescue truck sang Bureau of Fire Protection Iloilo City kag jeep nga nakabunggo sa Fort San Pedro Drive Brgy. Veterans Village, City Proper kahapon, Sept. 1.
Suno kay Police Corporal Romel Fuego sang imbestigador sang Traffic Enforcement Unit, naga-atras pasulod sa parking area ang rescue truck samtang halin naman sa Fort San Pedro padulong sa Brgy. General Hughes ang jeep sang natabo ang aksidente.
Wala matalupangdan sang driver sang jeep nga may naga-atras nga fire rescue truck tungod nagkuha siya sang bayad sang iya pasahero.
Wala sang napilasan sa aksidente.
Natalana nga magkitaay sa Huwebes ang mga drivers para sa ila settlement. — Robert Nietes, ARI trainee reporter
