ILOILO CITY – Normal ang byahe sang mga Ceres buses sa Iloilo City padulong sa mga kabanwahanan kag kaiping nga probinsiya kag vice versa sa Nobyembre 1 kag 2.
Suno sa management sang Vallacar Transit- Iloilo Camalig, Jaro Branch, wala sang pagbag-o sa schedule sang byahe sang Ceres buses.
Base sa obserbasyon sang Aksyon Radyo Iloilo News team, madamo ang nagapauli sa probinsiya sang nagligad nga semana antes ang Barangay kag Sangguniang Kabataan Elections.
Ginapaabot man sang management nga magadugok pa ang mga pasahero agud magpauli sa probinsiya para sa Piyesta Minatay.
