“Blue Taxi” ma-operate sa Iloilo City; Taxi drivers, operators nagapamatok sa paghatag sa ila sang prangkisa

ILOILO CITY – Ginkumpirmar ni Land Transportation Franchising and Regulatory Board (LTFRB) 6 Assistant Regional Director, Atty. Salvador Altura nga natalana nga mag-operate sa siyudad ang blue taxi.

Suno kay Altura, duha ka Davao-based taxi companies ang nag-apply sang prangkisa agud maka-operate sa siyudad.

Ang duha ka mga kompaniya nga ini may tag-50 ka units.

Ang kabug-usan nga 100 ka units sang taxi ipaidalum pa sa final evaluation antes makabiyahe, dugang pa ni Altura.

“300 SLOTS AVAILABLE”

Suno kay Altura, base sa pagsulundan sang Department of Transportation (DOTr) may 300 pa ka available nga slots para sa prangkisa nga ginatanyag sa mga taxi operators.

Una nga may nag-apply nga 125 ka local-based taxi operators, kag nagdugang ang 100 tanan ka units sang blue taxis.

Sa subong, may 75 ka available slots sa siyudad para sa mga taxi operators. — Aksyon Marvin Malificiar