ILOILO — Nasunog ang bodega sang humay sa Barangay Agrosil, Maasin, kahapon, Marso 21.
Suno kay SFO1 Ray P. Jabao, arson investigator sang Maasin Municipal Fire Station, wala na sang naka-stock nga humay kag labhang nalang ang nabilin sa sulod sang bodega nga human sa semento kag kahoy.
Gilayon nga ginpadulungan sang mga bombero ang lugar rason nga wala naman naglaton ang kalayo sa mga kaiping nga pamalay.
Nagbilin naman sang ginabanta P10,500 nga balor sang kahalitan ang sunog.
Padayon pa nga gina-imbestigaran sang mga bombero ang ginhalinan sang sunog.
Gindeklarar nga fire out las 9:09 sang aga.
