Ginkumpirmar ni Chief Superintendent Melanie Habawel, Fire Marshal sang Iloilo City-BFP, nga isa sa mga personnel nila ang nalakip sa mga nadakpan sa anti-illegal gambling operation sang City Intelligence Unit sa Brgy. Villa Anita, City Proper sang Sabado.
Gintumod ni Habawel si Fire Officer 1 June Rey Dela Peña nga halos duha na ka tuig ang serbisyo sa BFP-Iloilo City.
Suno kay Habawel, nakapasa na sila sang incident report sa higher office sang Bureau of Fire Protection kag ginahulat ang desisyon nga ipapanaug sa bombero nga nadakpan.
Isa si Dela Peña sa 29 ka nadakpan nga nagahampang sang poker sa kalan-an sa Aurora Subdivision. — via Aksyon Paula Elambayo
