Naka-blue alert status ang Iloilo City Disaster Risk Reduction and Management Office (CDRRMO) sa preparasyon sa paglabay sang bagyo Tino sa Panay.
Suno kay Joy Fantilaga-Gorzal, spokesperson ni Iloilo City Mayor Raisa Treñas, all set na ang preparasyon sang siyudad sa tion nga kinahanglanon nga mag-responder sa tawag sang pumuluyo.
Dugang niya, naga-monitor 24/7 ang Operation Center sang City Government sa hulag sang bagyo.
May mga non-food kag food items naman nga napreparar sa kada distrito.
Samtang, nagapadayon man ang coordination sa mga barangay officials para sa pagpatuman sa pre-emptive evacuation kon kinahanglanon. — Aksyon Angel Mae Ciudad
