ILOILO — Naglamsot ang preno sang ceres bus gani nakabunggo sa karinderya sa Brgy. Poblacion Ilawod, Passi City kaina sang aga.
Suno kay Police Captain Ma. Rosario Miranda, public information officer sang Passi City Municipal Police Station, ma-byahe na kuntani pa-Iloilo City ang bus sang natabo ang aksidente.
May mga na-damage nga gamit sa sulod sa karinderya tungod sa impact samtang nagakalabuka ang windshield sang bus.
May walo ka pasahero ang bus kag maswerte nga wala sang may napilasan.
May initial settlement na ang management sang ceres bus kag ang tag-iya sang karinderya. — Aksyon Angel Mae/Paula Elambayo
