Civil engineer patay sang nagbungguanay ang 2 ka motorsiklo sa Pavia

ILOILO — Napatay samtang ginabulong sa ospital ang 36-anyos na civil engineer sang nagbungguanay ang duha ka motorsiklo sa Brgy. Mali-ao, Pavia Hunyo 24 sang gab-i.

Ginkilala ang napatay kay alyas June nga nagatrabaho sa Iloilo City kag nagamaneho sang Kawasaki Baja nga motorsiklo. Pilason man si alyas Mon nga nagamaneho sang Yamaha Sniper.

Suno kay Police Major Jose Nemias Pamplona, chief of police sang Pavia Municipal Police Station, papuli na sa ila balay sa Brgy. Amparo si alyas June samtang pakadto sa banwa sang Pavia si alyas Mon.

Nagaguwa sa imbestigasyon sang police nga nag-counterflow si June kag nabungguan ang kasugata niya nga motorsiklo.

Wala sang helmet si June gani nakaagum sang patal nga pilas sa ulo.

Gindala sa Western Visayas Sanitarium and General Hospital ang driver sang Yamaha Sniper kag padayon nga ginabulong. — Aksyon Paula Elambayo