ILOILO— Nasunog ang mga kagamitan sa clinic sang CAMBITU Elementary School sa Brgy. Cabolan Sur, Oton las-10:51 kagab-i.
Suno kay Fire Inspector Rodel Balindua, Acting Municipal Fire Marshal sang Oton Fire Station, may apat ka kwarto ang one-storey building nga nasunog.
Nag-umpisa ang kalayo sa pinakakilid sang building sa diin nahamtang ang clinic kag stockroom sang eskwelahan.
May concerned citizen nga nakakita nga nagakalayo na ang building gani gin-report sa Oton Fire Station.
Ginabanta naglab-ut sa P375,840 ang balor sang kahalitan sa sunog.
Tubtob subong, gina-imbestigaran pa ang ginhalinan sang sunog. — Aksyon Farrah Mae Morano
