ILOILO CITY — Nagaplano si City Councilor Plaridel Nava nga ipa-regulate ang mga commercial markers, ukon logo sang mga brand nga ginabutang sa pila ka mga lugar sa siyudad.
Ginpahayag sang konsehal nga indi niya luyag nga mangin permanente ang mga commercial markers tungod nagaguwa nga gina-endorso sang siyudad ang produkto.
Ginhalimbawa niya ang mga commercial markers sang Tanduay nga ginbutang sa logo sang Iloilo City sa Esplanade kag sa punta sang ngalan sang Guimaras nga ginpakamalaut sa social media.
