Nagtanyag sang P50,000 cash nga reward money ang concerned citizen sa makahatag sang impormasyon agud makilala ang mga suspek nga nagpangawat sa pawnshop and jewelry store kag money changer sa sulod sang GT Town Center, Pavia sang December 17.
Ini ang ginkumpirmar ni Police Lieutenant Colonel Rolando Araño, spokesperson sang Iloilo Police Provincial Office (IPPO).
Suno kay Araño, luyag sang natungdan nga makabulig para mapadasig ang imbestigasyon kag makilala na ang mga suspek.
Matandaan nga ginabanta sa P30-million nga balor sang mga alahas ang nakuha sang mga kawatan kag P1-million cash ang nadula.
Sa subong, ginakaptan sang mga pulis ang video footage nga kitaon ang mata kag ilong sang isa sa mga suspek. — Aksyon Angel Mae Ciudad
