Construction worker nakuhaan sang P680,000 nga balor sang suspected shabu sa drug bust operation sa Brgy. Sooc, Arevalo

ILOILO CITY — Naglab-ot sa P680,000 ang balor sang suspected shabu nga nakumpiskar sa drug buy bust operation sa Barangay Sooc, Arevalo kahapon, Nobyembre 6.

Suno kay Police Captain Roque Gimeno III, head sang City Drug Enforcement Unit, pareho ang isa sa mga supplier sang subject nga si alyas Boyboy, 35-anyos, sa naga-supply sang illegal nga druga sa subject nga ila nadakpan kagab-i sa Brgy. Calahunan, Mandurriao.

Ginpabutyag ni Gimeno nga nakaagi naman preso sa kaso may kaangtanan sa illegal nga druga ang subject pero nakaguwa paagi sa plea bargaining agreement.

Na-recover sa operasyon ang pulo ka sachets sang suspected shabu nga ginabanta nagabug-at 100 grams. — Aksyon Maria Kayla Tingzon