ILOILO CITY –Nagpasalamat ang lima ka nasunugan sa Rizal Pala-Pala II, City Proper sang nakadaug sang papremyo sa special edition sang Dakup Ka, Daug Ka Roleta promo sang Aksyon Radyo Iloilo. Nahatagan sang tsansa nga makapatiyog sang roleta ang lima. Nagdaug sang tag-P2,000 kanday Gilmor Francisco, Mary Ann Bernaldes, Rosalie Franco kag Riza Oriarte. Tunga sa sako nga bugas kag P1,000 cash ang napauli ni Jackelyn Victoria Bantigue. Ginpabutyag nila nga daku nga bulig ang ila nabaton nga premyo para may idugang sila pangbakal sang ila kinahanglan. 78 ka balay ang nasunog sa Zone 2 sang Rizal Pala-Pala II sang Abril 29, 2023.
