ILOILO CITY—Maretiro na sa serbisyo si Department of Public Works and Highways (DPWH) 6 Regional Director, Engr. Sanny Boy Oropel sa masunod nga bulan.
Gin-anunsyar ni Oropel sa flag raising ceremony sa DPWH Regional Office 6 sa Fort San Pedro, City Proper kaina sang aga nga tubtob na lang siya sa Hunyo 13 maserbisyo sa gobyerno.
Sa pihak sini, ginpabutyag niya nga indi niya pagbayaan ang iya nga opisina tubtob sa ulihi nga adlaw sang iya official duty kag atubangon ang mga kaso nga ginpasaka sa iya sa Ombudsman sang Crimes and Corruption Watch International.
Matandaan nga gindesignar bilang OIC sang DPWH 6 si Oropel sang Agosto 1, 2023.
Naka-agi man siya District Engineer sa Negros Occidental 1st District Engineering Office, Capiz 1st District Engineering Office, kag Iloilo 2nd District Engineering Office.
Nangin assistant director man siya sang Bureau of Maintenance kag Director sang Bureau of Quality and Safety sang DWPH. — Aksyon Marvin Malificiar
