ILOILO — Nagakulob ang driver sang motorsiklo nga nakabunggo sa poste sa Barangay Cagamutan Norte, Leganes sang nalabyan sang mga pumuluyo gani gin-report sa mga pulis mga las-2:45 subong nga hapon.
Suno kay Senior Master Sergeant Leon Barnuevo, imbestigador sang Leganes Municipal Police Station, sang ginpakaya ang driver, nakita nga bali ang magtimbang niya nga butkon kag may mga pilas sa tiil kag ulo.
Halin sa direksyon sang Iloilo City kag pakadto sa Zarraga ang driver.
Naggaguwa sa imbestigasyon sang mga pulis nga madasig ang padalagan sang driver tungod may nakita nga skid marks sa dalan.
Nagsaka ang iya motorsiklo sa gutter kag nagdiretso sa poste.
May suksok nga helmet ang driver pero nakakas tungod sa impact.
Unconscious ang driver kag wala man nagapanimaho sang makahulubog nga ilimnon, suno kay Barnuevo.
Gindala na sa ospital ang driver sang motorsiklo kag ginalab-ot sang kapulisan ang pamilya agud mapahibalo ang natabu. — Aksyon Maria Kayla Tingzon
