ILOILO CITY — Dead-on-arrival sa ospital ang lalaki nga driver sang motorsiklo sang nadisgrasya sa radial road sakop sang Brgy. Lanit, Jaro kagab-i, Agosto 3.
Ini ang ginkumpirmar ni Patrolman John Carl Empresso, traffic investigator sang Iloilo City Traffic Enforcement Unit.
Ginahibalo pa sang police ang identity sang napatay.
Gina-imbestigaran pa sang police ang natabo sa tunga sang motorsiklo kag SUV nga nagbaliskad sa higad sang dalan.
Padulong sa direksyon sang Leganes ang SUV samtang nagasumalang ang motorsiklo. — Aksyon Paula Elambayo
